મળશે

ખાલી થયો છું નિચોવી જાતને, હવે ચાહ મળશે ?

ઉપહારની ખાસ ઈચ્છા નથી, બસ સરાહ મળશે ? 

વેરાન હતો જે મારગ, ત્યાં જોઉં છું ભીડ આજે,

જવાની ઉતાવળ તો મનેય છે, થોડી રાહ મળશે ? 

સંબંધો લાગે છે પાનખર સમા, વસંતની છે તલાશ,

મેઘની જરૂર નથી, બે ક્ષણ મીઠી નિગાહ મળશે ?

કાચો હતો આ ગોળાકાર દુનિયાદારીની સમજણમાં,

પાકા કેમ થવાય એ માટેની થોડીક તરાહ મળશે ?

આખરે 'નાના' હાર્યો, કારણ રમતા ન આવડયું આ રમતમાં,

જીતી કેમ જવાય? જાણવું છે એકાદ સલાહ મળશે ?