મહેંદી તારા નામની સાજન
મહેંદી તારા નામની સાજન
હાથમાં મારા મૂકી છે મહેંદી તારાં નામની સાજન,
ભાવ હૃદયનો લઈ ઘૂંટી છે મહેંદી તારાં નામની સાજન.
રંગ એનો હવે ઉતરશે નહીં હૈયેથી સાત સાત ભવ લગી,
પાન લીલું લઈને ચુંટી છે મહેંદી તારાં નામની સાજન.
લીલેરા રંગમાં પ્રીતનો રંગ છે રાતો ને વળી કેવો ઘાંટો,
મારી હથેળીમાંથી ના છૂટી છે મહેંદી તારાં નામની સાજન.
છેલ્લા શ્વાસ સુધીની સફરમાં રહે તું બસ મારી સંગ,
શ્વાસે શ્વાસમાં ખીલી ઊઠી છે મહેંદી તારા નામની સાજન.
નામ તારું છુપાવ્યું છે નજાકતથી શોધી શકે તો શોધ,
સહેલીઓએ ચાલાકીથી દીઠી છે મહેંદી તારાં નામની સાજન.