મારો સાદ.

હરિ તુજને આજે ફરી, યાદ કરાવું

આ રાંક સાટું દેજે દાદ ….

મારે નથી હવે કોઈ વાદ….હરીવર..

તું જ તારતો ને તું જ ડૂબાડતો 

સઘળા ડૂબાડવા મથે તે શીદ ટાળું,

ભૂલે ક્યાં મુજ સાદ, હરીવર..

કણે-કણમાં અભરે ભર્યો, શરણે કહે ત્યાં આવું

પાવન થવા છોડી તને ગંગા કાંઠે ક્યાં જાવું ?

આલંબ, કરે હવે કેમ વિલંબ ? ..…હરીવર…

આતમ શ્વાસ મારો ધૂપસળી કેરો ચંદન

કૃપા થોડી કરો મુજ પર, યશોદાનંદન

હરિવર કેમ ના સુણે મારો સાદ, હરીવર.