પિતૃ વંદના

સૌથી ઊંચું તુજ નામ હે તાત

જે તારામાં હતું, તેવું બીજામાં ના મળે,

તુજ મારૂ ધ્યાન છે, તુજ મારુ જ્ઞાન છે..... ટેક

હું છું તમારો, તમે છો મારા

ઓ તાત તમે છો પ્રાણ મારા,

ઓ પિતા તારે ચરણે મેરા પ્રણામ.. સૌથી ઊંચું તુજ નામ

યાદ કરું હળ પળે ચાહ અને આહટ તારી બધે

રહી ગયું છે નામ તારું સઘળે હવે

ઓ પિતા તારે ચરણે મેરા પ્રણામ.. સૌથી ઊંચું તુજ નામ

યાદ કરું તારા હાથને આશિષ આપતાં અપરંપાર

જે થકી આબાદ થયો હું આજ અપાર

ઓ પિતા તારે ચરણે મેરા પ્રણામ... સૌથી ઊંચું તુજ નામ

તું હી મુજ દાતા, તું હી વિધાતા

તું હતો આશરો મારો અણમોલ

ઓ પિતા તારે ચરણે મેરા પ્રણામ... સૌથી ઊંચું તુજ નામ

પકડી આંગળી પામ્યો મુકામ

જીવન કેડીએ તું જ મારો વિશ્રામ

ઓ પિતા તારે ચરણે મેરા પ્રણામ.. સૌથી ઊંચું તુજ નામ

પ્રભુથી ઊંચેરું ગુમાવ્યું છે પુણ્યધામ

શોધું તને જોઈ તારો પ્રભાવ આમ

ઓ પિતા તારે ચરણે મેરા પ્રણામ.. સૌથી ઊંચું તુજ નામ