લલાટે લખી કસોટી

લલાટે લખી દરેકના આ જિંદગીની કસોટી,

એને પાર કર્યા વગર આગળ વધવાનું નથી.

એને હસતાં પાર કરો કે રડતા પાર કરો કસોટી,

એની ઠોકરથી અહીં કોઈ જ બચવાનું નથી.

એક પછી એક દાવ ખેલતી જિંદગીની કસોટી,

કાળની કરડી નજરથી કોઈ જ બચવાનું નથી.

ભાવનાઓમાં ભરમાઈ ઝીલતાં સૌવે આ કસોટી,

છતાંય ખોટી લાગણીઓથી કોઈ બચવાનું નથી.

આંસુ છુપાવી હસતાં રહી આપવાની આ કસોટી,

એમનમ તો કોઈને સુખ ક્યાંય મળવાનું નથી.