લીલી યાદોનો બાંકડો ...

આમ જુઓ તો હરિયાળી છે ને આમ જુઓ તો ખાલીખમ,

આમ જુઓ તો ક્યાંય નહીં ને આમ જુઓ તો લીલુછમ.

આમ જુઓ તો યોજન - યોજન અફાટ રણ દિલમાં,

આમ જુઓ તો દૂર સુધી બસ નંદનવન છે યાદોમાં .

આમ જુઓ તો યુગો-યુગોથી ભાવના ભીતર મા સન્નાટો,

આમ જુઓ તો રંગ-રંગની ક્ષણે-ક્ષણે પ્રગટે "સરગમ".

આમ જુઓ તો કદી આંખથી છલકે થઈને અશ્રુજળ,

આમ જુઓ તો બુંદ - બુંદ એ ટપકે થઈ યાદે અમીજળ.

આમ જુઓ તો આઘેથી પણ એ જ બાંકડો રાહ જોતો,

આમ જુઓ તો બાંકડો કોઈ ના આવવાની વાટ જોતો...!