લાગણીઓ

જોઈ છે મેં લાગણીઓને નિર્દોષતા સાથે મોટી થતા,

જોઈ છે મેં એ જ લાગણીઓને વરસાદમાં વહી જતા,

તરસતી ભટકતી તો ક્યારેક મહેકતી અને હસતી,

જોઈ છે મેં એ લાગણીઓને વહાલથી હાથ ફેરવતા,

આંખ મિચાતા જ નજરે તરતી અને સપનામાં આવતી,

જોઈ છે મેં એ લાગણીઓને રાતભરનાં ઉજાગરા કરતા,

દિવસ થતા જ ઉભી થઈ ઝંખતી એ ચેહરાને મળવા,

જોઈ છે મેં એ લાગણીઓને એકબીજાથી નજર ફેરવતાં,

સરનામું જો હોય લાગણીઓનું તો હમણાં જ જઈ આવું,

પણ જોઈ છે મેં એ લાગણીઓને આમતેમ ભટકતા.