લાગણીનો છોડ

મારી જ સાથે કરતી હું વાતો

આ દર્પણ સાથે રાખતી હું નાતો,

સફેદીની લટ આ કેશમાં શોભતી

ને સરવાળો ઉંમરનો ઉમેરતી હું,

સલુણી સાંજના ખુશીઓનો રંગ 

ને પડછાયો ખુદનો સંકોરતી હું,

મારો વિચાર મને જ સંભળાતો

મારી જ સાથે કરતી હું વાતો,

ભીતર વિચારોનો મેળો હું ભરતી

મેળામાં વાંચતી એકાંતે એકલી,

મારા શબ્દો સંગ આકાશે ઊડતી

કવિતામાં મારી લાગણી ગૂંથતી,

લાગણીનો છોડ ભીતર લહેરાતો

મારી જિંદગીને ભીનો એ રાખતો,

મારી જ સાથે કરતી હું વાતો.