લાગણીની વાવણી

દલડાંની ભાવનાઓને રોજ પરોઢે 

સીંચી સીંચીને

એ ઘરને જગાડતી,

થોડી કાળજી, હૂંફ, લાગણી અને

થોડું વાત્સલ્ય ઓઢણીએ બાંધી,

એ તુલસી ક્યારે નીતરતી,

પત્ની - પૂત્રવધૂ - દીકરી તો એ ખરી જ

પણ… 'મા' નાં કિરદારમાં તો એ,

બખૂબી મા જ હોય,

સારવી રહી એ પોતાની અને

કુળની લાજને આજીવન હળવે હળવે,

આખુંય ઘર ઉછેરવામાં

આખરે એ વૃદ્ધત્વને આરે

જરાક વહેલી જ…… 

ઝળઝળિયાની ઝાંખપે હવે,

ટેરવે મણકા ફરે છે શ્વાસોના,

દઈશ 'અમરત' હવે દિલાસો ના.