લાગણીના તાર

હૃદય મહી વાત્સલ્યની છટાં, એ બહાર લાવી ગઈ; 

મમતાના રૂપમાં, લાગણીના તાર એ બંધાવી ગઈ,

લાડકી દીકરી બાપુના આંખનો તારલો બની ગઈ;

બાપુના હૃદયે, હરખના આંસું એ વરસાવી ગઈ, લાગણીના તાર..

ભાઈ-બહેનની લડાઈમાં રક્ષાની દોર બંધાઈ ગઈ; 

તહેવારના ઉત્સવ સમી, એ યાદોને સંવેદાઈ ગઈ, લાગણીના તાર..

ઋણાનુબંધના સંબંધે બંધાઈને, એ તીવ્ર બની ગઈ;

અંતર મન મહી આનંદની એ અનુભૂતિ કરાવી ગઈ, લાગણીના તાર..

માનવમન મહી સંબંધની પરિભાષા એ સમજાવી ગઈ;

એ પરિભાષાને સમજીને વ્યવહારું જ્ઞાન અપનાવી ગઈ, લાગણીના તાર..

સુખ-દુઃખના સાથી બનીને એ સાથ આપી ગઈ;

જીવનનાં રંગોમાં મેઘધનુષની એ પાંખ બની ગઈ, લાગણીના તાર..

હૃદય મહી વાત્સલ્યની છટાં, એ બહાર લાવી ગઈ; 

મમતાના રૂપમાં, લાગણીના તાર એ બંધાવી ગઈ.