કવિની માયાજાળ

જો જો જતાં ન ફસાય, આ કવિની માયાજાળ છે,

શી ખબર ! કયાં ડુબાય, આ કવિની માયાજાળ છે.

કાન રાખજો ખુલ્લા ને મન રાખજો મેદાનમાં,

જશે શબ્દ અથડાય, આ કવિની માયાજાળ છે.

હશે અજવાશ અંધકારમાંયે સામે તમારી,

ત્યાં સડસડાટ જવાય, આ કવિની માયાજાળ છે.

ગમે તે ઋતુ હોય, રાખે હવા ખુશનુમા,

ત્યાં જતાં મન મલકાય, આ કવિની માયાજાળ છે.

‘સાગર’ એમાં ધ્યાન ધરો તો સમાધિ પણ લાગે,

બીજી દુનિયા પણ દેખાય, આ કવિની માયાજાળ છે.