કરામત

ક્યાંથી આવ્યા અને ક્યાં જશું ? ક્યાંય કોઈ કરી શક્યું પુરવાર છે ?

આ સમગ્ર સૃષ્ટિ, આમ જોવા જઈએ તો કુદરતની કરામતનો ચિતાર છે,

ક્યાં બળાબળથી સધાય છે આ સમગ્ર બ્રહ્માંડમાં સંતુલન ?

આ અલૌકિક સંતુલન કરે કુદરતી કરામતને પુરવાર છે,

જીવમાંથી સર્જે જીવ અને પ્રાણ નીકળી જાય એટલે નિર્જીવ

આ કુદરતની કરામત કોઈની પણ સમજની બહાર છે,

હજારો પક્ષીઓ એકસાથે ઊડતા હોય છે આસમાનમાં

નથી ટકરાતા ક્યારેય, કુદરતી કરામતનું કરાવે દિદાર છે,

વસંતથી પાનખર અને પાનખરથી વસંતનું આ ચક્કર ચાલે કેવું ?

દરેક ચક્કરની પાછળ, કુદરતની કરામતનું ચક્કર સદાબહાર છે,

નથી સમજી શકતા આપણે દરેક વસ્તુને તાર્કિક રીતે

દરેક સમજથી પર, કુદરતની કરામતનું કરવું પડે સ્વીકાર છે.