કલ્પનાની દુનિયામાં

જ્યાં સુરજદાદાની મીઠી દોસ્તી

ચાંદામામા સંગ જામી અનેરી મસ્તી

એ કલ્પનાની દુનિયામાં કરીએ વિહાર !

ઝાડ મનુષ જેમ હરતાં ફરતાં હોય

શીતળ છાયા ને મીઠા ફળ હોય

એ કલ્પનાની દુનિયામાં કરીએ વિહાર !

પતંગિયાને પણ સુંદર ઘર હોય

ઠંડીથી બચવા ચાદર ઓઢતા હોય

એ કલ્પનાની દુનિયામાં કરીએ વિહાર !

આકાશે ઉડવાને પાંખો હોય

તારા સંગે સૌ ટમટમતાં હોય

એ કલ્પનાની દુનિયામાં કરીએ વિહાર !

પ્રાણીઓને પણ વાચા હોય

વેદના મુખે રજુ કરતા હોય

એ કલ્પનાની દુનિયામાં કરીએ વિહાર !

દુઃખ તકલીફની દૂરી હોય

મીઠાં મધુરા સંગીત હોય

એ કલ્પનાની દુનિયામાં કરીએ વિહાર !

સૂરજદાદા પણ શીતળ હોય

ઉનાળે સૌ ઉમંગમાં હોય

એ કલ્પનાની દુનિયામાં કરીએ વિહાર !

હૈયાના હેતથી સૌ જોડાયા હોય

ઈર્ષા, કપટનુ અસ્તિત્વ ન હોય

એ કલ્પનાની દુનિયામાં કરીએ વિહાર !