કિસ્મત

શાહી ભરેલી છે કલમની

પણ હાથ બાંધ્યા છે સંબંધથી,

લખું તને શું કિસ્મત પાનામાં 

કાટ લાગ્યો છે દિલના દરવાજામાં,

કોતરી નાંખી મારી પાંખો

હવે પાંજરામાંથી બહાર કાઢે છે !

ને કહે કે ઊડી લેજે આઝાદી,

વીંધી નાંખી દરેક પીંછાને તીરથી 

પોતાના પીંછા પછી ઓઢાળે છે !

સહાનુભૂતિ ભભૂતી આપે છે કોઈ

તારી ચાહતનો દરવાજો બંધ થઈ ગયો

ને જિંદગીમાંથી રસ જ જાણે સૂકાઈ ગયો !

જીવવા ખાતર જીવું છું એક કળીને ખીલવવા

છોડને ઉછેરવાનો જ બસ રસ રહી ગયો !

એક ખુશીની કિંમત લાખો ડામમાં દબાઈ ગઈ

દાઝી ગયેલા દેહમાં નિશાની તારી જ રહી ગઈ,

ટેરવા અડે છે રોજ દાઝી ગયેલા ડામને,

અંતર રોમે- રોમમાં રહી ગયું !