સનમ બનીજા તુ મારી
સનમ બનીજા તુ મારી
શું કહું, કોને કહું, ક્યાં કહું,
વાત મનની મારી ?
સાંભળનાર કોઈ પાસે નથીને,
કેમ વાત કરવી મારી ?
તલસી રહ્યો છું હરપળ તુજને,
ભિતરમાં વેદના છે ભારી.
બસ એક વાત ડંખે છે મુજને,
કેમ તુ દિલમાં ન સમાણી ?
તારા વિરહથી તડપી રહ્યો છું,
ક્યારે મિલન થશે વ્હાલી ?
પાનખર ગઈ ને વસંત આવી,
ક્યારે મહેંક પ્રસરે તારી ?
રાત દિન તારી વાટ જોઈને,
થાકી છે આંખો મારી.
રૂમઝૂમ કરતી આવ જીવનમાં,
દિલમાં છબી છે તારી.
સપનામાં આવી સતાવે છે મુજને,
તરસ ન વધાર તું મારી.
તારા પ્રેમ માટે તરસી રહ્યો છું,
તરસ છિપાવ તું મારી.
ન કર જીદ સમજાવું છુ તુજને,
મનમાં વસી જા મારી રાણી,
મોસમ સુહાની જામી છે "મુરલી"
સનમ બની જા તું મારી.