પ્રિયતમાની રાહ

હું છું તારોને, તુંં છો મારી,

ઓ રૂદિયાની રાણી,

શા માટે તું દૂર ચાલી ? 

ઓ પ્રિયતમ વ્હાલી,

મધુર મિલનની વાતો હું,

ન કરીશ કદી વિસારી,

પ્રેમ કેરો રસ પાયો મુજને,

તૃષા છિપાવી મારી,

એવી કેવી તારી મજબૂરી,

કે માનું કમજોરી,

મને ત્યજીને ચાલી ગઈ તું, 

ન સમજી પ્રિત મારી,

 

વિરહ તારો નથી સહેવાતો, 

અશ્રુથી નયન ભારી, 

શ્વાસે શ્વાસે રટુ છું તુજને, 

હૈયે છબી છે તારી,

પરત આવી જા મારી પાસે,

ન કર તું મનમાની,

હ્રદયના આંગણીયે "મૂરલી", 

રાહ જોશે તારી.