લાઈબ્રેરી
પ્રોફાઈલ
બહુ વાર લાગે છે
બહુ વાર લાગે છે
1 min
26.9K
ચહેરો બનાવવામાં બહુ વાર લાગે છે ;
તમને ય ધારવામાં બહુ વાર લાગે છે.
‘ઇર્શાદ’ કહીને થોડી તો ધીરજ ધરી શકો-
આ દિલને ખોલવામાં બહુ વાર લાગે છે.
વિખરાયેલી સુગંધ, ભીનો સ્પર્શ, તારી યાદ,
સઘળું સમેટવામાં બહુ વાર લાગે છે.
ધારો તો એક પળમાં ઉભા થાય દુશ્મનો
બસ, મિત્ર શોધવામાં બહુ વાર લાગે છે.
એ તથ્ય છે કે યાદને હોતું નથી વજન;
એને ખસેડવામાં બહુ વાર લાગે છે.
