જીવનની વ્યગ્રતા
જીવનની વ્યગ્રતા
અંધકાર મારા જીવનમાં વ્યાપ્યો છે,
ઉજાસ ક્યારે આવશે ?
મારા હતા તે દૂર થચા છે
પરત ક્યારે આવશે ?
ઉદ્યાન મારૂ સૂકાઈ ગયું છે,
હરીયાળી ક્યારે આવશે ?
સ્નેહની સરિતા ખાલી પડી છે,
પૂર ક્યારે આવશે ?
દુઃખનો પહાડ તૂટી પડ્યો છે,
સુખની ક્ષણ ક્યારે આવશે ?
નયનમાંથી અશ્રુ વહે છે,
લુંછનાર ક્યારે આવશે ?
હૃદય ભીતર વ્યથા ઘણી છે,
બહાર ક્યારે આવશે ?
ભૂલો જીવનમાં ઘણી કરી છે,
આત્મ સૂઝ ક્યારે આવશે ?
પ્રેમનો તંતુ તૂટી ગયો છે,
જોડનાર ક્યારે આવશે ?
સમય મારો બદલી ગયો છે,
પાછો ક્યારે આવશે ?
"મુરલી" જીવનમાં એકલો થયો છે,
સથવારો ક્યારે આવશે ?