ખુશી મારી ભીતર જડી ગઈ

આરાધના મારી અંતરની બધી ફળી ગઈ,

માંગેલી સર્વ ખુશીઓ મને મળી ગઈ,

શોધતી હતી જે ખુશીને હું બહાર,

તે ખુશી મારી ભીતર જ મને જડી ગઈ,

ભળી ગયા અમે એકમેકમાં એવા,

જાણે ફૂલમાં સુંગંધ ભળી ગઈ !

પ્રાર્થનાઓ મારી એવી ફળી ગઈ કે,

મારી જાતને મળવાની ચાવી મળી ગઈ,

હતી જન્મોથી ઈશ્વરને પામવાની ઈચ્છા,

જોને આજે મીરા બની કૃષ્ણમય બની ગઈ !

કરી મે સાચા દિલથી ઈશ્વરની આરાધના,

તો મારી ભીતર હું ઝળહળી ગઈ.