ખોવાયો ઇન્સાન

ચાર રસ્તે ઊભી ગાડી, હતો ગણતંત્રદિને,

બારીએ ડોકાયો એક, કોઈનો વ્હાલુડો લાલ,

ઘણા ધ્વજ ધરી હાથમાં, હતું આંખોમાં ગુમાન

બાળમજૂરી થકી શાને ઉજવો ગણતંત્રદિન !

પુસ્તકોમાં હોય ભલે, તિરંગો ભારતની શાન, 

આ બાળક માટે તો એ છે જીવનાધાર સમાન,

ખોલી બારી, ખુશીથી ખરીદ્યાં ધ્વજ તમામ

ચહેરો એનો ખીલી ઊઠ્યો આંખ મહીં મુસ્કાન,

ભણીએ, ભણાવીએ, ઉજવીએ ભારતની શાન,

ઉજવણીમાં મસ્ત રહેતાં ખોવાયો ઇન્સાન !