કેમ આવું થાય ?
કેમ આવું થાય ?
આ શું થવા બેઠું છે હવે, કશુંય ના સમજાય,
ઈશ્વર, તારી રચેલી દુનિયામાં કેમ આવું થાય ?
મુસીબતોથી ઘેરાયો માનવ, જડે નહીં ઉપાય,
શ્વાસ માટે વલખે છે એ, કેવી આફત સર્જાય !
દીદાર ના કરે અંતિમ વખત કે ના કરે એ સ્પર્શ,
આ માણસ હવે માણસને જ મળતાં અચકાય !
લૂંટાવે છે સઘળું ને ખર્ચી નાખે છે મરણમૂડી તોય,
માનવતા નેવે મૂકાઈ છે, તો કોણ કરે તેને સહાય !
ફરિયાદ પણ કરવી કોને, ક્યાં જઈને એ કહેવાય,
મંદિર પણ તારું બંધ, ને પ્રાર્થના પાછી ફરી જાય !