કેમ આવે છે!

દરિયાનાં મોજાં ફરી ફરી કિનારે કેમ પાછાં આવે છે ?

ઉરે ઝંઝાવાત ભરી આવતાં, કાંઠે કેમ શમી જાય છે ?

પોતાના જ પર્ણોને ફરી ફરી પાનખર કેમ આવે છે ?

સૂકાયેલા એ ઝાડ પર કુંપળો ક્યાંથી ઉભરી આવે છે ?

ખુલ્લા આ આકાશમાં, ફરી ફરી મોસમ કેમ આવે છે ?

પૂરપાટ દોડે જતી વાદળી પાછી કેમ આવે છે ?

ખીલેલાં ફૂલ પર સુગંધ ફરી ફરી કેમ આવે છે ?

ખબર છે કમળ સાંજે બીડાશે, તોય ભમરો કેમ આવે છે ?

નક્કી છે કોઈ સ્નેહનું બંધન, નહીં તો ફરી ફરી કેમ આવે છે ?

મતલબ વિના અહીં બને નહીં સવાલ, કેમ આવે છે ?