નવનિર્માણ થવું બાકી છે

ગુલામીની બેડીઓ તૂટી, આઝાદ થયો દેશ;

વિચારોથી આઝાદીનું નવનિર્માણ થવું બાકી છે,

થઈ ગયા ફના કેટલાયે નવલોહિયા યુવાનો;

એમના બાકી રહેલા કામનું નવનિર્માણ થવું બાકી છે,

અંગ્રેજોને હડસેલી દીધા, કીધા મહારથી જેર;

કદી અસ્ત ન પામતો એ સૂરજ પણ ગયો;

આપણા પોતીકા સૂરજનું નવનિર્માણ થવું બાકી છે,

આપણે તો ફક્ત ભગવાનને જ લોર્ડ કહેતા;

એમના નામમાંથી લોર્ડ કાઢવાનું નવનિર્માણ થવું બાકી છે,

વિદેશી ચીઝ હાવી થઈ ગઈ છે આ દેશ પર;

સ્વદેશીને લાવી ઉજાગર કરવાનું નવનિર્માણ થવું બાકી છે.