માવઠું

બોલાવું ત્યારે આવે નહીં, ઋતુ વહી જાય આખી કોરી;

મોસમ વગર તું વરસી પડે જાણે કમોસમી માવઠું,

યાદો બધી સુની પડે તારી, આ મારા દરબારમાં;

ભરચક હોઉં મારી ભીડમાં, ટપકી પડે બની તું માવઠું,

કોરી નદીઓ બધી મારી, દીસે ખાલી કાંપ;

અચાનક કરે બે કાંઠે, ધોધમાર થઈ માવઠું,

સૂકું બની ઝાડ ભૂલી જાઉં હું લીલાશને;

કૂંપળો નવી પ્રગટાવી દે મારામાં, બની માવઠું,

સુવાસ ખોઈ બેસુ મારી, બની નિર્મળ;

તું કાયમ વરસી પડે બની ' ભાવિ ' માવઠું,