તું

આજ તું, અવાજ તું, છે વિશ્વનો વિચાર તું;

શસ્ત્ર તું, અસ્ત્ર તું, છે ભવિષ્યનો આચાર તું.

ચંદ્ર હો, આદિત્ય હો, હો બ્રહ્માંડનો પ્રસાર પણ;

સમીપ હો, અસીમીત હો, ફલાંગ ભરી માપ તું.

ના થાક તું, ના હાર તું, કર મુસીબતોને પાર તું;

કાર્ય છે વિશાળ જો, આ પથનો છે પથિક તું.

યુદ્ધ તું, વિખવાદ તું, બની શકે છે શાંતિદૂત તું;

દાનવ છે તું, માનવ છે તું, આ વિશ્વ પર અસવાર છે તું.

હાર તું, પ્રહાર તું, સામે ખડું આ દૃશ્ય જો;

એકથી અનેક તું, સૃષ્ટિનો તારણહાર તું.

રાત છે પ્રગાઢ જો, તિમિર થયું સવાર જો;

બુદ્ધ તું, પ્રબુદ્ધ તું, ખુદ જીવન નાવ તાર તું.