જીવન સુંદર પ્રવાસ લાગે છે

હજારોની ભીડમાં પણ તું મારી આસપાસ લાગે છે,

ખબર નહીં પણ કેમ તું મને મારો ખાસ લાગે છે !

દુનિયાની ચાલાકીઓ તારામાં હજુ નથી આવી,

તું તો દુનિયાથી સાવ અજાણ, નિખાલસ લાગે છે,

દર્પણ જોઉં ને તારો ચહેરો નજર આવે મને,

બસ તારા સાથ થકી જ આ જીવનમાં મીઠાશ લાગે છે,

તારા થકી જ ઉજળી મારી સઘળી રાતો,

તું ન હોય તો જાણે અમાસ લાગે છે !

તારા સંગે કાંટાળી ડગર પણ ફૂલો સમી લાગે,

તારા સંગાથે જ જીવન સુંદર પ્રવાસ લાગે છે,

તારા નામે જ આ ધડકે છે હૈયું મારું,

મારા હૈયે સદા થઈ ગયો તારો નિવાસ લાગે છે.