ઈશ્કની અમીરી

કોઈ બીજાના હોવું મને કેમ પાલવે પછી સાથ રહેવું ?

એ જ યોગ્ય છે કે રહો તમે અમારાથી દૂર હવે હંમેશા !

પ્રેમનાં વરસાદમાં ભલભલાં અગ્નિ ઓલવાઈ જાય છે,

નવાઈ લાગે છે ક્યાં રહી ગઈ ખામી મારી વર્ષાની હેલીમાં !

શેનો છે તને ઘમંડ આટલો ? કે તારી ઈશ્કની અમીરીનો ?

સ્મશાન જોયું નથી ? અમીર-ગરીબના બિસ્તર જ્યાં સમાન !

ખરાબ સમયમાં જ સામનો થાય છે પ્રણયની સત્યતાનો,

જેનો સારા સમયમાં તને વિચાર પણ આવ્યો નહીં હોય !

તારે માટે એ જ બહેતર છે જે તને વગર માંગ્યે મળ્યું છે,

એ ભલીભાંતી જાણે છે જેણે આપ્યું છે વગર માંગ્યે તને !