ગાંધી

આજેય નિશાળમાં રોજ ભણાય છે ગાંધી.

ખાદીમાં પણ નામ તારું વણાય છે ગાંધી !

સત્ય, અહિંસા, ચોરી ન કરવી ધર્મ જગાડ્યો,

લોકોમાં આજે કશું એવું ક્યાં જણાય છે ગાંધી !

ઊંચ-નીચના ભેદભાવ મિટાવવા જાત હોમી.

ધર્મના નામે જો તલવાર તણાય છે ગાંધી !

ત્રણ ગોળીઓથી દેહ તારો વીંધાઈ ગયો.

હવે રોજ ભારતનો 'આત્મા' હણાય છે ગાંધી !

ખુરશીની ચાહતમાં નામ તારું વટાવેને,

પાક પછી 'મત' નો કેવો લણાય છે ગાંધી !

લાખો રૂપિયાનો ભ્રષ્ટાચાર રોજ થાય છે.

પણ સ્મારક તારું ફરી ના ચણાય છે ગાંધી !