એટલે પગમાં ચડ્યાં છે ગોટલા
એટલે પગમાં ચડ્યાં છે ગોટલા
એટલે પગમાં ચડ્યાં છે ગોટલા,
તું ઉપાડીને ફરે છે પોટલાં.
સ્વાદ સારા રસનો લેવો હોય તો,
ઉતરશે કેરીની માફક છોતરાં.
આભ એ તો કંઈ નથી એવું નથી.
વાદળાંને છે પવનના છોગલાં.
હા કવિતા ચાલતાં રસ્તે મળે.
હોય જો મન મીઠડાં ને મોકળાં.
ના ઉધારી હોય નહીં અનુરાગ માં.
સ્મિત ઝરતાં નયન ચૂકવો રોકડાં.
બોલતાં વિચારવું કવિએ સતત.
સ્વપ્ન આવ્યે ઢળે છે જો પોપચાં.
કવિતા છે 'રશ્મિ'નું સાચું સ્વજન.
શબ્દ સ્પંદન છે બહુ કહ્યાગરાં.