એક અભિયાન

સાંભળ્યો શબ્દ બાળમજૂરી,

મનઃચક્ષુએ દ્રશ્યો ઉઠ્યાં તરવરી,

પ્રભાતે છાપાં નાખતો એ ટેણી,

ચ્હાની લારીએ કટિંગ આપતો છોટુ,

ચાર રસ્તે ગાડી લૂછતાં એ બાળ,

વસ્તુઓ ને સ્ટેશનરી વેચતાં એ હાથ,

શાકભાજીની લારીએ વજન કરતી મીઠી,

બંગલામાં કામ કરતાં બાળ ઘરઘરાટી,

મંદિરની બહાર બેઠેલ અપંગ ભીખારી,

મા-બાપની અવેજીમાં બનતાં ઘરનાં મોભી,

કરાવે છે એને વેઠ પેટનો ખાડો,

આ દુનિયા છે એના માટે અખાડો,

એ કોમળ હાથ અને બાળમાનસે,

સજાવ્યાં હશે કોઈક શમણાં જીવને,

ઝંખ્યું હશે એણે પણ બાળપણને,

ભણતર સાથે સારા જીવન ઘડતરને,

ચાલો સંગાથે કરીએ એક અભિયાન,

બાળમજૂરીનું ના રહે નામનિશાન.