એ અવિસ્મરણીય ક્ષણો બની ગઈ
એ અવિસ્મરણીય ક્ષણો બની ગઈ
દિલે દસ્તક આપી તેણે,
મોસમ મહેકી ગઈ,
હૈયે તારી યાદોની વર્ષા થતાં,
આંખ મારી છલકાઈ ગઈ,
તારા જ વિચારોમાં રાત મારી ખર્ચાઈ ગઈ,
પળ બે પળમાં જાણે જિંદગી જીવાઈ ગઈ !
મળી તારી પ્રીતને જિંદગી બદલાઈ ગઈ !
હરખના આંસુડે મારી આંખો છલકાઈ ગઈ,
તારા તરફની ફરિયાદ બધી આંસુ બની વહી ગઈ,
તારી આંખોમાં મારા પ્રત્યેની ચાહત જોઈ,
મારી આંખો મલકી ગઈ,
વિરાન જેવું મારું જીવન, તું મહેકતા બાગમાં પલટાવી ગઈ,
તારી એક એક યાદની વાતો હૈયામાં સચવાઈ ગઈ,
આ વાતો વાતોમાં, તારા પ્રત્યેનાં પ્રેમની વાતો,
હૈયાથી ઉલેચાઈ ગઈ,
મળ્યો તારો અદ્ભૂત પ્રેમ એવો કે,
એ જીવનની અવિસ્મરણીય ક્ષણો બની ગઈ.