દુનિયાની અપેક્ષા

આ દુનિયાથી મેં કદીય અપેક્ષા કરી નથી,

એટલે જ તો હવે તારી પ્રતીક્ષા કરી નથી !

ખુદાને હાથે કિસ્મત લખાઈ છે તેથી હવે,

સારી છે કે ખરાબ; કદી સમીક્ષા કરી નથી !

સંબંધમાં આ દુઃખ મને તડપાવશે કાયમ,

તમે કરી એટલી મેં કદી પરીક્ષા કરી નથી !

તમે આવો મળવા ને હું મળું નહીં તમને,

યાદ રાખજો એવી ટૂંકી મેં કક્ષા કરી નથી !

સંઘરીને હૃદયને ખૂણે રાખી છે મેં સજાવી,

તમારી યાદોથી વધુ કશાની રક્ષા કરી નથી !