દુઃખ

દુઃખ એ વાતનું નથી કે

દુઃખમાં રડવું નથી આવતું.

દુઃખ તો એ વાતનું છે કે

હસવાનું ભૂલાઈ ગયું છે.

દુઃખ એ વાતનું નથી કે

મારૂં કોણ એ સમજાતું નથી.

દુઃખ તો એ વાતનું છે કે

હું ખુદને સમજી શકતો નથી.

દુઃખ એ વાતનું નથી કે

મિત્રોએ દગો દીધો છે.

દુઃખ તો એ વાતનું છે કે

દુશ્મનો દિલાસો આપે છે.

દુઃખ એ વાતનું નથી કે

જીવનમાં સદા હાર મળી છે.

દુઃખ તો એ વાતનું છે કે

બાજી હંમેશા જીતની મળી છે.

દુઃખ એ વાતનું નથી કે

મહોરાંઓ પહેરવાં પડે છે.

દુઃખ તો એ વાતનું છે કે

અસલી ચહેરો ભૂલી ગયો છું.

દુઃખ એ વાતનું નથી કે

ઈશ્વરથી મિલન થયું નહીં.

દુઃખ તો એ વાતનું છે કે

ઈશ્વરને ઓળખી શક્યો નહીં.