રહ્યો
રહ્યો
1 min
230
જીવવાને જીવંતતાથી તેં આપી'તી જિંદગી,
પ્રશ્નો ઉકેલવામાં જ ઉલઝાયેલો રહ્યો,
કેડી અનોખી કંડારવા તેં આપી'તી જિંદગી,
લપસણી રાહોમાં જ અટવાયેલો રહ્યો,
સ્વની ઓળખ પામવા તેં આપી'તી જિંદગી,
મોહ-માયાની જાળમાં જ લપટાયેલો રહ્યો,
ખુલ્લી આંખે જીવવા તેં આપી'તી જિંદગી,
ફિઝુલ સ્વપ્નાઓમાં જ ભરમાયેલો રહ્યો,
મૃત્યુનો મર્મ જાણવાં તેં આપી'તી જિંદગી,
મૃત્યુની કલ્પનાથી જ ગભરાયેલો રહ્યો,
ખુદને ખુદા બનાવવા તેં આપી'તી જિંદગી,
ખુદને ઓળખવામાં જ ગૂંચવાયેલો રહ્યો.