માણસ ક્યાં ખોવાયો

મન મૂકીને મળતો માણસ ક્યાં ખોવાયો ?

એકબીજામાં ભળતો માણસ ક્યાં ખોવાયો ?

આમ રબ્બરની જેમ સંકુચિત થઈ ગયો,

નભ જેમ વિસ્તરતો માણસ ક્યાં ખોવાયો ?

આજે પોતામાં જ ખોવાઈ ગયો છે,

બીજાની પીડાથી રોતો માણસ ક્યાં ખોવાયો ?

આજે ઉદાસ ભટકે છે ગલી ગલી માનવી,

નદી જેમ ખળખળતો માણસ ક્યાં ખોવાયો ?

ઉદાસીના અંધકારમાં ગરકાવ થયો આદમી અંધકારને ઓગાળતો માણસ ક્યાં ખોવાયો ?

નફરતની આગમાં સળગે છે આજે માનવી,

પ્રેમથી ઝળહળતો એ માણસ ક્યાં ખોવાયો ?

આજે પથ્થર બનીને રહી ગયો છે માનવી,

પ્રીતમાં પલળતો માણસ ક્યાં ખોવાયો ?