વહેવું પણ પડે

અસ્તિત્વ ખુદનું ટકાવવા ઘણું છોડવું પણ પડે,

લાગણીઓ છલકાઈ તો ક્યારેક રડવું પણ પડે !

ખબર હોવા છતાં ક્યારેક એવું પણ બને,

સંબંધ સાચવવા ક્યારેક મૌન રહેવું પણ પડે,

કેટલાય વર્ષો વિતી ગયા એ બની ગયેલ ઘટનાના,

યાદ એની આવે તો રાત આખી જાગવું પણ પડે,

કોઈ પૂછો દરિયાને કેટલી ખારાશ લઈ બેઠો છે,

કોઈએ હડસેલાનું દુઃખ વેઠવું પણ પડે !

શું ખબર હોય એ સ્થિર દરિયાને કે કઠોરતા શું કે'વાય ?

મંઝિલે પહોંચવા ઝરણાંની માફક સતત વહેવું પણ પડે.