એ ગુરુ

ક થી લઈને જ્ઞ સુધી શીખવાડેને એ ગુરુ,

માર્ગથી લઈને મંજિલે પહોંચાડેને એ ગુરુ,

ધરતી અને આકાશની ક્ષિતિજ તો તમે જોઈ હશે,

જ્ઞાન અને અજ્ઞાનની ભેદરેખા સમજાવેને એ ગુરુ,

સૂર્યની રોશનીમાં ચાંદનીને નિહાળી છે કદી ?

ધગધગતા તાપમાં પણ શીતળતા આપેને એ ગુરુ,

બહુમાળી બિલ્ડીંગો જોઈને આજે ગર્વ થાય છેને ?

એ ઈમારતનો પાયો જે મજબૂત બાંધેને એ ગુરુ,

શિલ્પી જેમ પથ્થરમાંથી મૂર્તિ કંડારે કરે છેને,

એમ ઝીરોમાંથી હીરોનું સર્જન કરેને એ ગુરુ.