હાલતાં ચાલતાં

હાલતાં ચાલતાં હોય મુખે હરિવર તારો ઉચ્ચાર,

જગપ્રપંચે ના હારતો હરિવર તો સદાય હારોહાર.

સુખદુઃખ તણા દ્વંદ્વ ના સંતાપી શકે હરિકૃપાથી,

પ્રસાદ પ્રભુનો માનીને કરું સહજ એનો સ્વીકાર.

રોજરોજ પ્રતિક્ષા મારે ક્યારે આવે પ્રભુ મુજદ્વાર,

છું પાતકી તેથી શું? તેજપુંજ સામે ન ટકે અંધકાર.

માનવમાત્રમાં હોય વાસ હરિનો સૌના તારણહાર,

આપીને હરિ આનંદ પામે કોઈનું રાખે નહિ ઉધાર.

ઝંખના મારી જગત્પતિની પળેપળે પ્રબળ થનારી,

સાદ સાભળે કે અંતર વાંચે કે જુએ એ અશ્રુધાર.