નારી તણી વ્યથા...

સવારથી સાંજ સતત વ્યસ્ત રહેતી

છતાં સૌ કહે તું ક્યાં પૈસા કમાતી

નારી તણી વ્યથા સાંભળે કોણ ?

પરિવારની સંભાળ ખુદથી વધું લેતી

છતાં પરિવાર આધાર પુરુષ માનતી

નારી તણી વ્યથા સાંભળે કોણ ?

ઘર પરિવાર ઓફિસ સંભાળતી

બાળક માટે ખુદને પણ ભૂલતી

નારી તણી વ્યથા સાંભળે કોણ ?

જીવનભર સહનશકિત કરતી જતી

પરિવારને એક તાંતણે બાંધી રાખતી

નારી તણી વ્યથા સાંભળે કોણ ?

ક્યારેક દુર્ગા બનીને અન્યાય સામે લડતી

ક્યારેક સંબંધો સાચવવા અન્યાય સહેતી

નારી તણી વ્યથા સાંભળે કોણ ?

ખુદ ભૂખ્યા રહીને સૌને જમાડતી

અન્યના હિત ખાતર ખુદ ખપી જતી

નારી તણી વ્યથા સાંભળે કોણ ?