મતલબ સુધી - ગઝલ

બસ રહી ગઈ એક ખોટ છેક અંત સુધી,

કે જઈ ન શક્યો તેમના એક પણ વિચાર સુધી.

કોણ જાણે શું થયું હશે તેને, સૂવાઈ ગયું,

બાકી મારે તો વાત કરવી 'તી છેક પ્રભાત સુધી.

ઘણું શીખ્યો હું આ શાણી દુનિયામાંથી,

છતાં ન જઈ શક્યો એક-મેક ના મન સુધી.

ઘણો અથડાયો-પછડાયો સફળતાના માર્ગમાં,

છતાં હું હાર્યો નહિ છેક મંઝિલ સુધી.

નડ્યો મને બસ ખાલી આ પ્લેનનો ખર્ચો,

બાકી મારે તો જવું 'તું છેક ચાંદ સુધી.

નથી ચાલી શકતું તારી ને મારી ઈચ્છા મુજબ,

અહીં તો ચાલે છે સંબંધ છેક મતલબ સુધી !