આત્મનિર્ભર નારી
આત્મનિર્ભર નારી
આજની આ નારી, ના કોઈથી રે હારી
કરતી નથી આજે એ કોઈની લાચારી
આજની આ નારી, ના કોઈથી રે હારી
છે પુરુષ સમોવડી, કોઈ વાતે નથી ઉતરતી
અશક્યને પણ શક્ય એ, કરીને બતાવતી
કયું એવું ક્ષેત્ર કહો, એ કરતી ના બરાબરી
આજની આ નારી, ના કોઈથી રે હારી
હતો એક યુગ જ્યારે એ દોરે ત્યાં દોરવાતી
મનને મારી પોતાના એ ચૂપચાપ બધું સહેતી
પંડે પીડા, હસતું મુખ, કેવી અજબ કારીગરી
આજની આ નારી, ના કોઈથી રે હારી
નારી નરકની નહિ, પણ ગુણોની એક ખાણ છે
હીરા આપ્યા ભગત,શિવાજી, એનું એ પ્રમાણ છે
નારી તું તો નારાયણી, છે પ્રભુની અવતારી
આજની આ નારી, ના કોઈથી રે હારી
છે શક્તિનો અવતાર આજે સાબિત કરી દેખાડે
આત્મનિર્ભર નારી આજે દુનિયામાં ડંકો વગાડે
'સ્નેહી' કહે હવે શું કહું, બસ જાઉં વારી વારી
આજની આ નારી, ના કોઈથી રે હારી