પ્રેમ રંગ છલકે
પ્રેમ રંગ છલકે
રંગ તણા આ રંગમાં, પ્રેમ રંગ છલકે
પ્રેમભર્યા આ સંગમાં, પ્રેમ રંગ છલકે,
કદી તું રિસાય, કદી હુંયે રિસાઈ જાઉં
મીઠી મીઠી આ જંગમાં, પ્રેમ રંગ છલકે,
સદા મળે સાથ તારો, હાથોમાંયે હાથ તારો
જીવન ચાલે એ તરંગમાં, પ્રેમ રંગ છલકે,
લઈ રંગોને હાથ રાધા ઊભી એના દ્વારે
માધવ મળશે એ ઉમંગમાં, પ્રેમ રંગ છલકે,
'સ્નેહી' પ્રેમ તણો આ જામ પીધો એ જાણે
નશો ચડે છે અંગે અંગમાં, પ્રેમ રંગ છલકે.