Library
હજી શું પ્રમાણ જોઈએ છે તમારે !
હજી શું પ્રમાણ જોઈએ છે તમારે !
હજી શું પ્રમાણ જોઈએ છે તમારે !
બીજા માટે પોતાની જાત બાળી નાખે, હજી શું પ્રમાણ જોઈએ છે તમારે !
રાજી રાખવા બીજાને મન મારી નાખે, હજી શું પ્રમાણ જોઈએ છે તમારે !
પંડે પીડા તોય હસતું મુખ, કોઈ આવી શક્યું છે એની તોલે ?
અરે પેટ માટે પોતાના પેટ ચીરી નાખે, હજી શું પ્રમાણ જોઈએ છે તમારે !
સુખ-દુઃખ, ફાવે ન ફાવે, ગમતું ન ગમતું ક્યાં કશું એ કહે જ છે !
કાળા માથાના માનવીને, પરમેશ્વર કરી નાખે, હજી શું પ્રમાણ જોઈએ છે તમારે !
છે ચંડી, દુર્ગા, કાલી, ભવાની, નારી તારા જ રૂપ બધા
છંછેડે જો કોઈ, તો રાવણને પણ રોળી નાખે, હજી શું પ્રમાણ જોઈએ છે તમારે !
છે શક્તિનો અવતાર, તોય ચૂપચાપ બધું સહન કરતી જાય,
અસ્તિત્વને પણ એના એ અર્પણ કરી નાખે,
હજી શું પ્રમાણ જોઈએ છે તમારે !
'સ્નેહી' વંદન છે એને, જે જીવે ત્યાં સુધી બીજા માટે જ જીવે
જિંદગી લૂંટાવી જિંદગીનું ઘડતર કરી નાખે,
હજી શું પ્રમાણ જોઈએ છે તમારે !
