પ્રિયતમની વેદના

નજર તમારી ઉપર નાખુ છુ હું,

નજર તમે કદી મેળવતા નથી,

શા માટે તમે ફરીયાદ કરો છો કે,

હું પ્રેમના જામ છલકાવતો નથી ?

દિલ તમારા માટે ધડકાવું છું હું,

ધડકન તમે કદી સાંભળતા નથી,

તસ્વીર તમારી દિલમાં જ છે પણ, 

તમે ઝાંખીને કેમ નિરખતાં નથી ?

ષડ્જનો સ્વર કાયમ લગાવુ છું હું,

પંચમનો સ્વર કદી મેળવતા નથી,

તમારા પ્રેમનો તરાનો ગાઈ રહ્યો છું,

તમે દિલથી કેમ મગ્ન બનતા નથી ?

હાથ ફેલાવી તમને બોલાવું છું હું,

મારા દિલમાં કદી તમે સમાતા નથી,

દિલના દ્વાર મારા ખુલ્લા છે "મુરલી",

મારા પ્રેમને તમે કેમ સમજતા નથી ?