દર્દ

આપણે ભાષાના માણસ ગણિત ફાવતું નથી,

અક્ષરથી અક્ષરને લડાવ્યા વગર ચાલતું નથી,

સંબંધોના સરવાળા બાદબાકી ને સમીકરણો,

લાગણીઓમાં ખોટા પડે ને પછી જામતું નથી,

આ નફો-ખોટ, ગુણાકાર, ભાગાકાર અને શેષ,

દાવા-દલીલો છેલ્લે નિષ્કર્ષમાં કૈ આવતું નથી,

વાંક શું ગણવા ? કોના ગણવા ? કેટલાં ગણવા ?

છોડી બધીય ચર્ચા વાત હવે કોઈ ચાવતું નથી,

મૂક્યું બધુ એરણેને વધ્યું એ લટકાવ્યું તોરણે,

ટીપાય દર્દ પણ ઉંહકારો ઝીલ એ લાવતું નથી.