દિવાળી

શુભ લખું, કે લાભ લખું

કે લખું, હો મંગલ કલ્યાણ

નવા વર્ષના શુભાષિશ,

સહુનું, હો મંગલ કલ્યાણ

પળમાં વિત્યું વરસ લખું

કે, વરસ જેવી રાત લખું ?

શુભ સંદેશો લાવી દિવાળી,

સહુનું, હો મંગલ કલ્યાણ

તમસ્ ભરેલા સ્મરણો લખું

કે, પ્રકાશની નાની યાદ લખું ?

ગઈ ગુજરીને જાવ ભૂલી,

સહુનું, હો મંગલ કલ્યાણ

આભે વહાવ્યું જળ લખું

કે, આંખોનો વરસાદ લખું ?

નવા દિવસને નવી ઝાકળ

સહુનું, હો મંગલ કલ્યાણ.

ઉધાર લખું કે જમા લખું

કે, ઈશ્વરને આભાર લખું ?

સહુને મારા સાલમુબારક

સહુનું, હો મંગલ કલ્યાણ.