દિલની તડપ
દિલની તડપ
જ્યારે યાદ આવે છે તારી
નયનોથી અશ્રુ વહાવું છું,
તારા વિરહની અગ્નિમાં હું,
હર પળ દિલથી તડપું છું,
ન રહે દૂર તું હવે મારાથી,
ઓ મારા વ્હાલા પ્રિયતમ,
એકલા નથી રહેવાતુંં મુજથી,
તારા વિના ઓ મારા વાલમ,
આવી જા મારી પાસે તું,
તારા પ્રેમની હું તરસી છું,
તારા વિરહની અગ્નિમાં હું,
હર પળ દિલથી તડપું છું,
દિલ મારૂં ધડકી રહ્યું છે,
રાત દિન તારા પ્રેમમાં,
વિશ્વાસ કરી લે તું મુજ પર,
ઝાંખીને જો મારા દિલમાં,
ન સતાવીશ હવે તું મુજને,
તારા મિલન માટે તલસુ છું,
તારા વિરહની અગ્નિમાં હું,
હર પળ દિલથી તડપું છું,
વાટ જોઈ રહી છું હું તારી,
આવીને દિલમાં વસાવી જા,
મિલન મધુર બનાવીને મારા,
મુખ પર સ્મિત રેલાવી જા,
તારી સૂરત જોવા માટે હું,
તારા આગમનને ઈચ્છું છું,
તારા વિરહની અગ્નિમાં હું,
હર પળ દિલથી તડપું છું,