હરખાતો નહિ

વાહ વાહ થશે તારી તું જરા પણ હરખાતો નહિ,

ટીકા થશે તારી તું જરા પણ ગભરાતો નહિ,

માંગણી થશે તારી તું જરા પણ મોંઘો બનતો નથી

વિચાર ઊગશે તારા તું જરા પણ વાગોળતો નહિ,

સપના થશે સોહામણા તું જરા પણ ઊંઘતો નહિ,

આશા થશે ઉતાવળી તું જરા પણ ઉતાવળો થાતો નહિ,

મન મળશે તારા તું જરા પણ મલકાતો નહિ,

સંબંધ બંધાશે તારા તું જરા પણ સળગાવતો નહિ,

લાગણી મળશે તારી તું જરા પણ લલચાતો નહિ,

જીવન મળશે તારું તું જરા પણ જલાવતો નહિ,