મનની વાત
મનની વાત
તારો ચહેરો દરરોજ જોવો ગમે છે,
તારી નજરથી ઘાયલ બનવું ગમે છે,
એક તું જ છો મારા દિલની તસ્વીર,
તને મારા દિલમાં કેદ કરવી ગમે છે.
તારી સુંદરતાની મહેંક માણવી ગમે છે,
તારા મોહમાં ડૂબવાનું ખૂબ જ ગમે છે,
એક તુ જ છો મારા સપનાની સુંદરી,
તારો પડછાયો બનીને ફરવાનું ગમે છે.
તારી દરરોજ વાટ જોવાનું ગમે છે,
તારી મુલાકાત માટે તડપવું ગમે છે,
એક તું જ છો મારા દિલની ધડકન,
તારા પ્રેમમાં તરસ્યા રહેવાનું ગમે છે.
તારી ઉપર રોફ જમાવવાનું ગમે છે,
તારી સાથે રક ઝક કરવાનું ગમે છે,
એક તું જ છો મારા જીવનમાં "મુરલી",
મારા મનની વાત તને કરવાનું ગમે છે.