દેખી તારાજી દેવભૂમિની
દેખી તારાજી દેવભૂમિની
છૂટી કરૂણા કુદરતની રે
તૂટ્યા મેઘ જ અનરાધારે
તૂટે તટ ને કાળ શિલાઓ
દે આફતના ડંક જ દ્વારે,
ડૂબ્યા પથિકો, ગામ તણાયા
ના રે મળતી ભાળ ભલેરાં
રે આજ વહે દરિયા આંસુના
વાટે વિપદા, આ અંધેરાં,
ખૂટે ધૈર્ય ને રૂવે આંખો
દેખી તારાજી દેવ ભૂમિની
આવ્યો અવસર ઋણ ચૂકવવા
છે માનવ ધર્મ જ કરૂણા કરણી,
ના તો દઈશું સ્વપ્ન જ તૂટવા
ધાયે મદદે સૈન્ય જવાની
ધન્ય જ અમે રે વતન બંધું
સેવા રૂઝવે ઘાવ ભવાની.